VAVAKO ANDROANY (VOLAFIHA)

Nantsain'i ikalamako
(Nalaina tao amin'ny vetso.serasera.org)
Andriamanitra ô!
Tsapako ankehitriny fa
Ny fitiavanao no mbola nahavelomako
Na dia be ireo tsiny,
Na dia be ireo tsiniko sy ny ady nitomako.

Andriamanitra ô!
Fantatro aho tsy mendrika ny hiresaka aminao
Mpanota aho tsy madio.
Indrisy he ireo loto,
Indrisy he ireo lotoko
Sasao re aho anio.

Andriamanitra ô!
Ny iangaviako farany…
Mba hantahanta ihany raha azonao ekena.
Izao no faniriako
Izay hany faniriako:
Tazony aho mba tsy hivena.

Andriamanitra ô!
Izay ny vavako androany.
Misaotra be dia be
Dia ny hosana anie
Ho Anao irery ihany.
Amen!
--------
Rohy:
Sokajy : Vavaka
1594 1
Mpakafy: VOLAFIHA.
Hevitra mandeha
VOLAFIHA. ( 04/01/2023 07:16)
Mankasitraka ny mpiantsa .
ikalamako ( 06/01/2023 12:05)
am-pitiavana o !
Hametraka hevitra
Midira aloha
Momba ny tononkalo
Mpanoratra : VOLAFIHA
Nampiditra : VOLAFIHA.
Daty : 10/11/2015 11:25
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.0116