TOPAZO MASO! (yarihm)

Mbola tsisy niantsa

Hangataka antsa
(Nalaina tao amin'ny vetso.serasera.org)
topazo maso iny volana iny
dia ho tsapanao fa,
hay ny tany misy maminy
ny fanilony: tara-pahazavana sasak'alina
ny fangirany: toa paradisa mahamanina
topazo maso irony lani-pararano
dia ho tsapanao fa,
hay aky,
ny masonao manganohano
tsy irery sanatria
ny lokony, manga toy ny feo,
nahalasa ny vinaniko
dia, lasa niara-nitoreo
tamin'ny ontsa sy tomaniko
topazo maso ireny kintana mirenty
eny an'habakabak'alina
f'izy ireny notinefy
hanilo anao tanaty lalina
topazo maso ny vodilani-takariva
manopy mena zary nofy
hitondra anao hikalo tanaty feon'antsiva
hanafosafo anao, tanaty rotsirotsy
topazo maso, ireny voary rehetra ireny
dia hihiratra, ny masonao tanaty tory
ka hanala anao ombieny
tanaty GADRA dia ny VALAN-TSORISORY

yarihm
14/07/11
--------
Rohy:
Sokajy : Tontolo iainana
956 0
Hametraka hevitra
Midira aloha
Momba ny tononkalo
Mpanoratra : yarihm
Nampiditra : ambinimiary
Daty : 07/08/2012 13:14
Antsantononkalo

Mbola tsisy niantsa

Hangataka antsa Hampiditra feo
© Eugene Heriniaina - serasera.org 1999 - 2024 - page load 0.0116