MBA VALIO (Zoana15)

Ilay ianao tazako iny
Mba valio aho,
Moa ve mbola hiverina?
Moa ve mbola hamerina?
Tiako ho fantatra!

Ilay velomanao iny
Manontany aho,
Moa veloma mandram-pihaona?
Moa veloma mbola ihaona?
Sa tsy fantatra?...

Ianao hitako farany iny
Toa olona tsy manan-tsiny
Nandalo ihany toa vahiny
Toy ny tsy nisy ilay fahiny!

Zary toa nandalo sisa
Zara raha namisavisa
Ireo fotoana paradisa
Ho aiza ianao?
Mba valio…

Zoana 24/06/2015
--------