FANALA SENTO ! - zokieva

         FANALA SENTO !

Jesoa ô! mihodinkodina ny saiko
Tena miasa tsy miato
Mitambolona tsy haiko
Fa tsy mandry ivohon’ ny vato.

Adin- tsaina sesilany
Ka mandrongatra aok’izany !
Mitady fitsaharana
Fa tsy mahita hamaharana.

Eh ! tena iriko fatratra,
Izany hoe « ho tonga lafatra »
Ny faratampom- piadanana
No iriko mba hananana !

Ny ho lohany fa tsy  ho rambony
Ny ho ambony fa tsy ambany
Fanamby tsy misy tambiny
Efa teniNao izany !

Fa raha manaiky Ahy ianao
Ka hankatoa izany didiko
Hitoetra tsy handao
Ka hanao ny safidiko :
Dia ho anao ny Teny
Ka ho voatahy ombieny ombieny.

Mahareta, mahareta !
Izay no Teniko aminao
Mahatantesa,mahatantesa !
Fa ho tody aminao !

Ka ny teny fitahiana
Ho anao ry ilay niaritra
Ho tojo izay irina
Hiaina sy ho finaritra
« Ka na kely am-piandohana ;
Dia ho lehibe ny fiafarana »

Izay no vetsovetso
Ho fanala izany sento !


Ambodihady,23/04/11 t@ 3 ora tolakandro

Hevitra mandeha

frabesoa (18/09/2012 13:08:14)

Misaotra tompoko

Hametraka hevitra

Mombamomba

Mpanoratra : zokieva

Tononkalo hafa