You are here: home > Vetso

Tia - Rado


Tiako ianao no sady halàko
fa mangidy koa no mamiko !
"fahavaloko", "Malalako"
Samy anaranao raha amiko.

Angolaiko hoe "fitiavako"
Na bantiko hoe "Mpamitaka"
Mifangaro eo am-bavako
ny hatezerana sy sitraka.

Tezitra aminao ny foko
Misamboaravoara erikitra !
Kelikely indray ... Misoko
ilay fitiavako mamikitra.

Sokajy : Fitiavana

Mombamomba

Mpanoratra : Rado


Nampiditra : Oully
Daty : 03/10/2003
Mpamangy : 19268
Mankafy : 10
Ankafizo Azo vakiana?

Tononkalo hafa

Ny poeta
INAY
TOPIMASO
RAY Ô!
Angamba
VOUROMANGA
Mpangalatra
SEPTAMBRA
halako
SATRIKO HOLAZAINA ANAO

Hevitra mandeha

kinaoly (15/12/2003 18:07:07)

fa maninona no tsy misy manome hevitra momba ny tonokalo isika?
mahafehy ny fihetanam-pon'ny olona iray miady amin'ny olotianyio tonokalo io.

Sara (25/02/2004 10:37:59)

raha ny hevitro aloha dia tena marina io, marina loatra, ohatry ny hoe natao ho an'ny olona mijaly @ ilay fitiavany, izany hoe misy zavatra mankarary fo ilay iray tena tia ilay izy, kanefa na dia izany aza dia tiany fona ilay olontiany na dia mampijaly azy aza indraindray.
asa raha miray hevitra amiko ianareo?

ikotofatsora (18/05/2004 01:06:08)

Ngamba t@ ity tononkalon'i Rado ity no nangalan'i Celine Dion tahaka @n'ilay hirany hoe "I hate you then I love You"

ari.malala (10/06/2004 11:11:56)

Dingana iray monja no manarsaraka ny fitiavana sy ny fankahalana. Fihetseham-po roa mitovy ireo, avy @ fitiavana no iavian'ny fankahalana.

chipie1 (24/11/2004 18:19:30)

marina mihintsy zany ry ari.malala

lapino (03/01/2006 20:21:56)

Toa mifandray amin'ilay hiran'i Céline Dion ity hoe "I hate you then I love you..." ♪♫♪

Poun (15/05/2006 10:15:46)

Lalina ny hevitra fonosiny,nefa kosa maneho ny tena fitiavana."tiako,tsy asiana hoe nahoana"hou Poopy zay
Fitiavana no namaranany azy;moa tsy tanteraka lay teny ao @ soratra masina hoe"Ny fitiavana manarona fahotana maro"."fa fitiavana mandrakizay no nitiavako anao ,ka izany no nampaharetako famindram-po t@nao".

alphanovember (08/09/2006 20:13:57)

io no tena tiko indrindra am tononkalon'i rado. nisy sipa zay no nanome ahy an'io, voalohany nahalalako an'io , nisy fossé be entre-nay tam zany. erreur de jeunesse nefa ny ahy ...taty aoriana fa hitako oe hay possible tsara

cooper (14/10/2007 21:45:18)

Ny fitiavana ange fahoriana sy fijaliana e! Tsy misy ny fitiavana raha tsy misy ny fahasambarana sy fifaliana, nefa ahoana moa no ahatsapàna fa sambatra sy faly isika raha tsy mijaly sy ory.

Imam3 (11/02/2015 15:25:02)

Mankafy dia tsy mahasoratra e. tsy misy azo kianina ny asa tanan'ny mpanoratra. hafa ihany i Rado raha mbola asa fanoratana

Imam3 (11/02/2015 15:25:26)

Mankafy dia tsy mahasoratra e. tsy misy azo kianina ny asa tanan'ny mpanoratra. hafa ihany i Rado raha mbola asa fanoratana

Tohiny

Hametraka hevitra

Midira aloha