Fahendrena (Rado)

Nantsain'i ikalamako
(Nalaina tao amin'ny vetso.serasera.org)
Nahoana no gagan'ny fiainana an-tany?
Ny zavatra fantatra moa fanontany?
Am-badiky ny andro baliaka, mirindra
No misy ny aloka maizina indrindra.

Ny endrika kanton'ny zava-boahary
Ny fanganohanon'ny vonim-boasary,
Na inona hasoany rehefa banjinina
Mbola hihintsana rehefa ririnina

Ry foko tsy mino ny fomban'ny tany,
Mangina mangina 'zany havako izany
Onony ny fo! Fafao ny tomany!
Ny fiainana etoana dia voamaintilany.

Atoroko anao 'zay hoe fahendrena
Sao dia mikimpy sy mamita-tena
Dihizo ny hiran'ilay lohataona
Rehefa avy eo, miomàna hisaona!


Rado ( 18.4.66)
--------
Rohy:
2534 2
Hametraka hevitra
Midira aloha
Momba ny tononkalo
Mpanoratra : Rado
Nampiditra : ikalamako
Daty : 14/12/2022 20:48
Antsantononkalo
Nantsain'i ikalamako
© Eugene Heriniaina - serasera.org 1999 - 2024 - page load 0.01