You are here: home > Vetso

Manina - raozy

Any ianao ry Gasikara
any ianao ry fireneko
Lavitra aho ka manambara
fa manina ny fireneko

Malahelo anao ry nosiko
malahelo anao ry nofiko

Na ny mangan-dranomasina
na ny lokon-tany mena
aty ampitan-dranomasina
toa mbola satriko jerena

Ny fiainanao ilay moramora
sy tsy maika lalandava
aty izany manakora
ity fiainana hazakaza-dava

Hatramin'ny tsiron-kaninao
dia alaheloko tokoa
te-hihinana aho izao sy izao
eny hatramin'ny sosoa

Na ny andon'ny maraina
na ny masoandro mody
ny hafananao, na mingaina
mampamanina te-hody

Irony lantolanton-kira
irony tsiky sy hanihany
izaho izao ilay an-dakira
tsy mba miaina mihitsy izany

Ny zava-maitso sy ny ala
ny renirano mikoriana
mila hahalasa adala
raha mieritreritra mangina

Nefa moa moa ry Dago ahoana
ianao any izaho aty
tsy afaka na dia hihaona
k'aleo manoratra fitia

Malahelo anao ry Nosiko
Malahelo anao ry Nofiko

Veloma ianao ry Gasikara
Veloma ianao ry Fireneko
Lavitra aho ka manambara
fa manina ny Fireneko

Clichy 09/04/2003

Sokajy : Alahelo, Tanindrazana

Mombamomba

Mpanoratra : raozy


Nampiditra : raozigasy
Daty : 08/06/2004
Mpamangy : 1813
Mankafy : 1
Ankafizo

Tononkalo hafa

Rasiza (tohiny)
ANJARA
TSENAO
HODY
ERNESTINE
AVOTY KELY
REVEKO
WEEKEND
HERINANDRO IZAY NO LASA
ATY TANA

Hevitra mandeha

raozigasy (08/06/2004 03:15:20)

Misy dikan-teny malalaka nosoratako tamin'ny fiteny frantsay ary nampitondraiko ny loha-teny hoe : NOSTALGIE

NyKanto (08/06/2004 10:38:30)

Zara hetran'ny rehetra
Lavi-tany nihaviana
ny hanina toriana.

Haiku malagasy io .

Ny Kanto.



Hametraka hevitra

Midira aloha