Maty aho - raozy

Mpanoratra : raozy
Nampiditra : raozigasy
Daty : 08/08/2010
Mpamangy : 434
Isa : 5
Fidio :

Maty aho hoy ianao
nefa ny feonao, manonona izany,
mamy dia mamy

Maty aho hoy ianao,
nefa ny sefonao, mandravaka ilay feo
mbola velon'eo

Maty aho hoy ianao,
nefa ny masonao, mikimpy tsy mitony
manaraka ny fony

Maty aho hoy ianao,
nefa ny fonao, midoboka imbetsaka,
ny tratra mila hitresaka

Maty aho hoy ianao,
nefa ny fikitrao, mbola maka fy
mianoka fitia

Maty aho hoy ianao,
maty matinao, izaho nefa tsy mamono,
fa mi...tonotono

dia hoy aho aminao
aza maty aloha, tsy aleo ve isika roa
no miaraka mitanty izay mety hahafaty ??????