You are here: home > Vetso

MISAOTRA RAY - RFE Andria

MISAOTRA RAY !

Nisamboaravoara ery ny fiainanay aninkeheo
Saika nampangaihay sy nahavelona toreo
Nefa kosa re ry Ray, soa hatrany Ianao fa teo
Niteny tamim-peo tony : “ny FITIAVAKO jereo!”

Ilay sandrinao mahery no natsotranao hitantana
Ny fidiranao an-tsehatra , tena tsapanay mivantana
Hoy Ianao: “fa ny zanako, dia ho adidiko hatrany
Tsy avelako hitaraina fa hotrotroiko tsy hitomany…”

Ny tonom-bavaka nataoko dia tohizako etoana
Hotononiko am-panahy sady harahiko finoana:
« Ny fiainan-janakao, aza avela hangorintsina
F’Ianao efa nilaza, fa izy mihoatra noho ny tsintsina »

Na dia eo ireo mpitsabo dia Ianao no manasitrana
Ny fiaina-saiky rovitra dia Ianao no mampivitrana
Koa tsy haiko ny hangina, fa teny tokana dia izay
Mipololotra avy ao anaty: “O! Misaotra Anao ry Ray!”

RFE Andria – 22/05/14

Sokajy : Vavaka

Mombamomba

Mpanoratra : RFE Andria

Nampiditra : Arofanina
Daty : 07/02/2015
Mpamangy : 612
Mankafy : 0
Ankafizo

Tononkalo hafa

NOFIKO, HONO...
AZA MANAIKY
LEO...(2)
HANGINA AHO...
IANAO
MIONONA
MANAN-KAMBO
ZOVY?
TSY HAIKO (2)
HAFATRA

Hametraka hevitra

Midira aloha