HANGINA AHO... (RFE Andria)
Mbola tsisy niantsa
(Nalaina tao amin'ny vetso.serasera.org)
HANGINA AHO...Eny ho'aho, hangina aho
ny ranomasoko nitraho
efa tankina sy ritra
ny foko: rovitra sy triatra...
Fa nitia aho, eny babo
ny fitiavako niabo
nihanafana sy nisonga
nitrebona, nirongaronga
Saingy izao dia voatery
- sao hanolatra ny fery -
hokobonina, halevina
fonosan-dandy soa matevina
Koa hangina aho, eny, hangina
hivongika fahoriana
satria tia sady tiana
nefa tsy afaka hifaliana
Arivelo Naivo
08/09/2017
--------
Rohy:
Sokajy :
Fitiavana