GAGA AHO RAMALAGASY (Aina Nirina)

GAGA AHO RAMALAGASY

Gaga aho RaMalagasy,
Fa avia anie tazano,
Baoritra sy taratasy,
Dia voarafitra ho trano…

Gaga aho RaMalagasy,
Fa hay va re ny zaoridira,
Na ny tsara na ny ratsy,
Tena mbola misy mila ?

Ny sakafonao tsy lany,
Na ny latsaka an-dovia,
Ifandrombahana aok’izany,
Sady tena misy tia…

Ny hafa eny an-tsena eny
Mitsingoloka fripy :
Ireny tatinono ireny,
Eny hatramin’ny silipy…

Dia gaga aho RaMalagasy,
Raha manao ny fampitaha,
Misy tia ny sisan-gasy,
Sy ny sisan’ny vazaha…

AINA NIRINA
(22 aogositra 2014 tamin’ny 21 :28)
--------