Ny Hatanorana (Aino)

Ry maro tanora, bikana sy soa!
Mba hajahajao e! ny hatanorana.
Fa endrika tsara sy ravaka koa,
Mba hajahajao e! fa aza simbana.

Ny sasany manana tohetra tsy mendrika,
Rehefa mby amin'ny hatanorana!
Miliba fiainana ka indro fa rendrika,
Manao toetra ratsy fenoin-kadalana.

Ilay andro tsara, fotoam-bolamena,
Tsy inn io fa ny hatanorana!
No ampisehoany ny toe-mahonena,
Dia ireo filibana zohim-pahotana

Lay raozy madera no tsara famony!
Tsy hafa, ry aiko, fa hatanorana!
Dia simbasimbany sy larolaroany,
Toetra tsy mety zohin-kasimbana

Ilay endrika tsaran'ny hatanorana!
Sy bikany soa ananany lava!
Dia entiny kosa hanao fidolana
Aviliny mantsy ka tonga mandrava.
Ka hevitrevero, ry maro tanora Mhirelina anie ny hatanorana!
Mba dinidiniho ka mahatahora,
Mba hajahajao ary ka aza simbana.

namorona Andry!!
--------