Mirana ! (anarim)
(Nalaina tao amin'ny vetso.serasera.org)
Mirana !Sombin’ny aiko
Tiako sy lalaiko
Ikelezako aina
Ifohazako maraina
Iaretako hirifiry
Fa satriko hitsiry
Hamelana, hamoa
Hitombo hatrany ho soa
Hiaina izay anjarany
Anaty famiratany
Hianoka hasambarana
Ho valin-kasasarana
Hiatrika fiainana
Tsy misy fanaintainana
Satriko, eny satriko
Izany rehetra izany
Ho aminao ry aiko
Saingy ny eto an-tany
Tantely amam-bahona
Mangidy miaro mamy
Ka raha sendra olana
Izao no tadidio :
Tsy misy tonga lafatra
Fa izay miezaka
Tsy mba mitofezaka
Na inona midona,
Mijoro tsy mirona
Ireny no tafita
Na fiainana mandalo
Aza zato diavintsika
Mahereza anaka !
Ny Tompo momba anao!
(01 Juin 2006)
--------
Lien:
Catégorie :
Fianakaviana
Fans:
fyh
Commentaires
Oully
(
02/06/2006 18:05)
Ndry! mahafinaritra ahy ny vetsonao.
Tsy mirana navadika ihany ve ilay ANARIM
Tsy mirana navadika ihany ve ilay ANARIM
ANARIM
(
07/06/2006 08:04)
Misaotra Oully a, dia oroka mamy ho an'ise!Hihihi, ekena marindrano fa avy @ anarana fiantsoako ilay sombin'ny aiko no namoronako ny solon'anarako!!!
nyratsima
(
30/07/2009 10:12)
mahafinaritra ny vetsonao e !mankasitraka !