EMBONA LALINA (Boyanjah.RZ)

Indray takariva izay
Diavolana mangina
Tsaroako tamin'izay
Izaho nilaozan'olontiana

Ny diavolana baliaka
Dia mampanembona hatrany
Mamoha ny efa lasan-tsika
Ka mampilatsaka tomany

Ny rivotra mitsoka moramora
Toa tananao manafosafo
Maneso sady manankora
Ilay maso voton-dranomaso

Ny vorona mamerovero
Vao mainka tena mampatsiahy
Tsaroako ianao nalahelo
Nandeha nanao Veloma ahy

Ireo hira milantolanto
Tena hatsiarovako anao
Injao reko manakoanko
Ilay teninao hoe" TIAKO IANAO"
--------