nahita anao aho saingy... (cedarf)

nahita anao aho saingy nilaozanao, kanefa
mbola tiako averina ny lasana rehetra;
izany teo anilanao, toa tsy tsapako akory
ny areti-tsaiko lalina sy ny ady nampaory.

ny teo anilanao na dia iray minitra monja,
ampy nanalako ny adi-tsaiko izay nanonja,
kanefa ankehitriny moa satrinao ry tiako
ny ilazako marina f'ianao no faniriako ?

ka rahoviana re no ho tonga ilay andro tena mamy?
hiarahantsika hisedra ny ngidin'ito tany;
tsy ahoako ny mangidy fa ho ahy ireny mamy
rehefa ny fitiavako no anatinao hatrany.
--------