Ny adin-tsaiko (cedarf)

tsy hofantatrao mihintsy, izay adin-tsaiko lalina,
raha toa tsy liana ianao;
totofana tsy tafarina,
kanefa novokarina tanatin'ny ora vitsy
ka tsy hitako izay marina.

tsy azonao an-tsaina, tsy ho vitanao lazaina
ny hamaly izany;
dia ny ady izay atrehako,
tsy fantatro akory izay toky reharehako,
fa mafy ho ahy ny miaina.

toa vintana sy anjara no hany fitanisako,
andrasako ho tsara, iriako sy nofisako,
kanefa mbola miery ny tavako hatrizao
ilay andro nantenaiko ho mamy ankaikinao.

fa adin-tsaiko lalina mba tiako hofantatrao,
ilay nifongatra tsy nahy tanaty ny ora vitsy
raha toa ka liana ianao, dia hipitra sy hitranga,
fa "tiako loatra ianao", izay no adin-tsaiko angamba.
--------