tsiahy (cedarf)

Midoboka mora mamaky fanahy,
Ny hiran’ny sentoko mamelovelo;
Mitraotra ny lasa, miverina indray,
Miverina an-tsaina toa sarin’avelo.

Mamakivaky ny masom-panahy
Ireo sary efa raiki-tapisaka an-tsaiko,
Lasa mivonto ao anaty toa vay,
Ka mila haningotra hatramin’ny aiko.

Sary ihany anefa, ary sary efa lasa,
Sary ihany saingy tsy mety ho voafafa,
Sary miventso hira efa nahazatra,
Indrisy fa enon’ny foko maratra.

mpanoratra:cedarf sy tolotra
--------