TSY METY ANDOSIRANA (cedarf)

domiko anefa tsy mety mianjera,
aleviko saingy manangatra foana ;
ny avelom-pitiavako sisa tavela,
tiako hitamberina raha sendra moana.

Imbetika lalina ho ahy ny adin-tsaina
rehefa manaloka indrindra ny lasa,
indrindra indrindra ny feon'ny maraina
efa nanary fa mbola kinasa.

Imbetika ny aliko raha manirery
dia satriko hamangy ny foko tomany
ny oram-pitiavako izay manankery,
naleviko saingy tsy levona ihany.

Tsy resiko loatra 'ty herin'ny foko,
manampitiavana satriko hofaty ;
vao mainka toa velona mampitoloko,
raha lavitra tiana toa mila tsy ho tanty.
19/04/15
--------