FITIA (DADAFARAtolotra)

Masoandro mitatao vovona
Mangatsakatsaka fihoronana
Mbola tafin'ny anjely
Ka tsy lotoina velively
Izay olon-tiako izay !

Loharano tsy ho ritra
Hazavana mibalika
Tady hendry hifatorana
Madio lalana fizorana
Izay olon-tiako izay !

Rano mbola tsy mikobana
Toeram-bola tsy lalovana
Havoana tsy azon'iza hitsahana
Tady tsy afaka ho varahana
Izay olontiako izay !

Tany mbola rakotr'ala
Fo mahenika ny vala
Tsy azon'iza n'iza hidirana
Volamena ka mangirana
Izay olontiako izay !

Andeha gejaina sy fatorana
Andeha hasampy sy hisalorana
Atao safidy famaranana
Hofitovozam-pihadanana
Izay olontiako izay !
--------