IRAY DAHOLO ISIKA (DADAFARAtolotra)

Misy efitrano tokana izay kasaina ho vahana
Mbola mihidy varavarana,voafefim-panajana
Kirihitrala tsy hay kapaina,lobolobo tsy voajery
Toerana mitoka-monina, hanaovana fangala-pery

Efa nisy ireo vahiny, nangazangazana hiantsampy
Fa ilay hidimbaravarana, mafy noho ny vatolampy
Ny fandra-by sy dinamita, naneho ny heriny daholo
Nikatso loatra ilay vavahady ka, nody tamin'ny tanam-polo

Nakisakisaky ny volana, nahodikodin'ny fotoana
Terÿ hamoron-tanimbary, no nahatsinjo ilay havoana
Nivikavika tsy nisala, nanao izay fomba azo hiakarana
Hioty raozy vao mitsimoka, hanokatra ny varavarana

Noho ny tonga teny indray, nijery havanana sy avia
Binitsinitsika eo an-tsofiny, maneho karazana fitia
Angolangolam-pitenenana, fitiavana hendry makadiry
Izay mivimbim-pahasambarana, anaty atsiaka-hirifiry
Ka novahany ilay vavahady !
--------