TENA TIA (DADAFARAtolotra)

Asa ngamba raha tsikariny
Fa dia noroako ny sariny
Babo loatra izaho angamba
Dia tia tsy nanana hambahamba
An'izay olontiako izay !

Na sasakalina matory,na divaharaina vao mifoha
Dia tafahanika tamboha
Midongy mafy ho eo anilany, hamboly saha sy zaridaina
Hatrany amparam-pofonaina
Dia izy foana no malalako !

Voahidy ny voady, voafefy koa ny dina
Fa Izy irery tsy hanampiana
Ilay afa-migalabona, ao anefitry ny foko
Sady rano ka sotroiko
Hamelomako ny aiko !
--------