Samy miala (Dah Nex)
Mbola tsisy niantsa
(Nalaina tao amin'ny vetso.serasera.org)
-----Samy miala--------Ranomaso maro no niraraka ho anao
Fotoana maro koa ny fotoana nolaniana
Raha ny zava-bita sy ny zavatra natao
Dia angamba hiara-hianoka sy higoka fifaliana
Dingana efa vita tsy hisaina intsony
Nifamarafara sy nifanoro koa
Namadibadi-kevitra ambany sy ny ambony
Niara-niaritra tanteraka ireo zavatra nanjo.
Natao tsara soritra ny dia izay ho aleha
Ny tanjona ho vitaina sy ny kinasa atao
Ny resaka voasoratra efa be dia be
Tsy ny tonta ihany f'ireo kajy vaovao.
Kanefa azo atao ny mamadika takila
Tsy fahotana akory ny mandoro boky
Tsy tsara ny fitiavana raha toa ka mandeha ila
Aleo samia miala raha TSY HIFAMPATOKY.
NAMONTANA- 07ora:40 (hariva)
25-05-2026
DAH NEX
--------
Rohy:
Mpakafy:
DahNex