ARAHABAINA IANAREO (LAVENONA)

ARAHABAINA IANAREO!! (08 martsa)

Izaho aloha tsy vehivavy
ka tsy haiko hoe "inona avy ?"
raha ny sedran'izy ireo e !
Fa raha araka ny feo ?
Dia mizaka hirifiry...
sy adin-tsaina mankadiry
amin'ny fiainana izy ireny...
izay vao azo atao hoe Reny !
Dia...mijaly sy miafy
sy misedra ady mafy,
mitondra kibo sivy volana !
Nefa tsy ataony olana
izany rehetra izany
Fa ny sainy dia mahery !
Miankin-drindrina irery...
misotro izay tsy tiany
fa raha toa ilay faniriny hoe
hahazo sombin'aina
dia milamina ny sainy.
Fa ny ahy dia izao ihany:
izaho tsy tonga teto an-tany
raha tsy noho izy ireo
Koa ARAHABAINA IANAREO
Nahatratra ny andro androany!!!!!!!!

LAVENONA
--------