FA MBOLA NOFY (Djah Hco)

Fa hery tsy resy manosika anaty ilay nofim-pitiavako tsy mety ritra.
Kanefa tsy havita hampiray sy hampifamatotra ilay fontsika.
Indrisy fa toy ny fanahy ao anaty tontolon'ny maty,
Ka tsy afaka hanova ninoninona na dia hifofotra mafy.
-----
Toy ilay totozy izay latsaka an-kerotra ka tsy afa-manoatra.
Ny herim-po betsaka fa ny toe-batana no mahasindaotra.
Ka aleony mipetraka miandry an-jagoga izay ho herim-bintana,
Mitràka, miandrandra amin'ny lanitra manisa kintana.
-----
Dia izany no herim-pitiavako anao ry (...)
Mijanona ho nofy, tsy sahiko ambara na dia handrovi-po.
Fa kanosa loatra ka tsy mba ho naman'ilay fandresena.
Ka aleoko tazomina ho ahy samirery ho tsy ambara roa..
--------