HABAKA (IARANTSOA Mahefa)

Faingana hikorira ry fo mpianjoria
soratra sy teny no hiaraka hilanto,
eto indray ny habaka iraisana fitia
habaka poeta sy habaky ny kanto.

Habaka hampiaina rindran-kilalao
tsy levom-pandrosoana sy ny rivotra malotony.
Habaka hampirevy ny foko sy ny anao
sepotry ny fiainana sy ny rotorotony.

Riba nentin-ndrazana tsy lefin' ny fotoana
sy tranga mba tsikaritra, ainga mba tsy nahy.
Ka asaiko ianao, tongava, hiara-hisavoana
hitety ny habakabaky ny fo sy ny fanahy...

5 Novambra 2015, 07:04
--------