HAFA MIHITSY IANAO (IARANTSOA Mahefa)
(Nalaina tao amin'ny vetso.serasera.org)
Nolalovana ny soa hatrizay katram' zao,
saingy tsapako tokoa
fa hafa mihitsy ianao.
Dia niserana ny maro
nandalo dia nandao,
kanefa aloha fantaro
fa hafa mihitsy ianao.
Nitomandavana ny tsara
ny fatratra sy vaovao,
fa hoy aho manambara
hoe hafa mihitsy ianao.
Injay fa reko mikorisa
ny ainga anatiko ao,
mitetitety mitanisa
ny maha hafa anao.
02-Jolay-2010
--------
Lien:
Catégorie :
Aingam-panahy - Fitiavana
Fans:
hery
