ho an ny malalako (laruto na hasina)
Pas encore lu
(Nalaina tao amin'ny vetso.serasera.org)
Ny tsikinao malalako dia 'lay tsy mba ho atakaloko,nampamiratra ny handroko nampajavona ny aloko,
dia nataoko ho masoandroko ilay fitiavanao,
izay natory fa nofohaziko ho maraina vaovao.
Ny teninao dia ampy hampiverina ny heriko,
ny feonao no ody manasitrana ny feriko,
mataka-danitra ny tanako, ianao no lasa elatro,
nizarako ny tan-poko, ka nahamaivana ny zefatro.
Aminao no nde hialofako amin'ny andro kotro-baratra,
ho anao refa maraina no hijoroako ivoam-pitaratra,
nefa tianao foana ihany na dia hoe tsy tonga lafatra,
ka tsy ho laviko intsony f'izaho sy ianao dia efa lahatra.
ny nofinofintsika no nde ho atambatambatra,
ny hanantanteraka azy ireo no ndao hatao ho sabatra
handresena ny ankaso izay mitady tsy hanambatra,
fa ny hany ho ataoko ho tanjona dia ny ianao ho sambatra
--------
Lien:
Catégorie :
Aingam-panahy - Fitiavana