FITIA VOARARA (LAVENONA)

LAVENONA

Izao re no izy ry tiana a!
Aleo avy hatrany dia tsorina
voararan'ny fianakaviana
ilay fitia izay niaraha-nanorina
Tsy avelan'i dada sy Neny !
Hiaraka ihany ve hono
dia olona ohatran'ireny e !
Mba farafaharatsiny ahay
ny zanakalahin-drampanana
nianatra sady mahay !

Ekeko hoe sahirana izahay
ka nefa mba olona vanona
Raha resa-pianarana indray...
tsy fidiny ho ahy ny nijanona...
no sady tsy afa-manoatra !
Dia fanavakavahana ve e ?
ndrao dia tsy rariny loatra e !
Ny ray aman-dreniko ekena hoe...
tsy manana harena mihavosa
mahantra ary koa mahonena !
Fa ny tomba-pitiavako kosa
lafo vidy noho ny volamena
izay no tsarovy rahavako !

LAVENONA
--------