"POEZIA" (Lova Ny Aina)

Etsy kely ange ka mba tazanonao erÿ!
F'ireo poeta manontolo no mikalo poezia,
Miparitaka manerana iny habakabaka,
Otronin'ny kintana maro tsy an-kanavaka.

Rehefa hitany aho,dia mba nohantony,
Nantsoiny hiakatra eny mba hiaina ny tontolony,
Hivetso poezia anaty tara-diavolana,
Ka feno ny hazavana,tsy nisy notakonana.

Endrey ireo poeta fa sondriana dia sondriana,
Mikalo poezia sy rima kanto mahavariana,
Dia mba nokaloiko ny ahy,ka re nanakoako,
Narahim-peom-baliha nandrotsirotsy tsy an-kiato.

"Iny ianao ry volana,iny ianao ry kintana,
Toa mifanjohy hatrany sy mifampitsapa vintana,
Sambatra izahay fa afaka miriaria,
Etÿ an'habakabaka mivetso poezia.

21 Martsa 2017
--------