Izaho koa ... (Lova)

Tsy nipaka tao antsainy, fa nisy zaza tena tia
Nisangisangy tanoloany, nampianariny nandihy,
Tsy nipaka tao antsainy, f'ilay mpisavika ny sorony
Mitia azy mangingina, nitsiriritra ireny molony

Tsy nipaka tao antsainy, fa nisy fo nidobodoboka
Nilongolongo tanoloany, nefa tao anaty roboka
Tsy nipaka tao antsainy, f'ireny harika indraindray
Aretim-po ninia-nafenina, efa nihombo nahamay

Tsy nipaka tao antsainy, sa ny tahotra no betsaka
Na ny eritreriny tsy nandry, sao ny fony hihetraketraka
amin-jaza ts'isy tasy, ka naleony angamba nionona
Tsy nipaka tao antsainy, sao handratra zanak'olona

Tsy nipaka tao antsainy, fa nisy fo te ho anjarany
Nitady lavitra ny sainy, niova hoazy ny tantarany ...

Mbola (30 mars 2003)
--------