SOA FA EO JESOA (Hajanirina Mahavaly)

Tsy takatry ny sainay ry Tompo
Ny hitondranao anay Mpanompo
Fahoriana mifananao sesilany
Zary mampisento sy tomany

Maro koa ireo olana saro-bahana
Sedram-piainana miampy fitsapana
Efa mahakivy sy mahatorovana ny saina
Izay miseho rehetra efa mila haningotr'aina

Soa fa eo Ianao Jesoa malala
Tsy mba nidify na koa hoe niala
Miaraka aminay hatrany tsy niery
Ny teninao no sakafo mampahery

Ny andronay atolotrao sisa rehetra
Hanompoanay anao tsy misy fetra
Ka na aiza na aiza no haleha
Tompo ô, Ianao no hataonay ho rehareha.

Hajanirina Mahavaly (31-07-2022)
--------