TANORA SY NY FITIAVANAI (Hajanirina Mahavaly)

TANORA SY NY FITIAVANA

Inona no misy amin'izao fotoana izao
Manal'azy fotsiny fa tsy misy hatao
Aleo manao sipa ho fialam-boly
Toy izay mamaky ny Baiboly

Dia lasa izao, handeha hanao fitiavana
Ny fomban'ny mpivady no natao andrakandrana
Tsy mijanona amin'ny sipa iray fa hatao maromaro
Ny tsy hainy anefa fa mampiditra angano

Miaraka amin'olona efa manambady
Nahazoazo taona sy efa zatra ady
Ny fitiavam-bola angamba no manesika
Ka amboamboarina hatramin'ny fihetsika

Fahadisoam-panantenana ve
No mahatonga ilay Fitia
Sa miseho ho olon-dehibe
Ka sahy milaza ho mahay mitia

Mora tara amin'izay miresaka aminy
Izay mandalo dia miraikitra
Tsapa ho tia vao ihany koa re
Ka manan-tsipa isaky ny toerana aleha

Tsarovy anefa ry tanora namana
Fa izany dia manimba fo,saina , vatana
Manimba ny ho avy manontolo
Ka ho zava-poana ny tontolo

Mamotika ny hafa
Manimba fiaraha-monina
Manalabaraka tena
Hany ka te hamono tena

Hajanirina Mahavaly
--------