Angamba aho ho tianao ihany (Miarantsoa Anicet)
Pas encore lu
(Nalaina tao amin'ny vetso.serasera.org)
Angamba aho tianao ihanyRaha hoe mpimamo lava.
Angamba tsy hampaninona
Raha hoe mpitabataba.
Tsara aho taminao
Raha hoe mpamono vady
Mpigidra sy mpiady;
Eny e ! Satrinao angamba
Raha toa aho mandrongony,
Mpampirafy sy mpila lonilony,
Tantinao daholo,
zakanao ny izany ,
Lefitrao ihany.
Saingy :
Tsy zakanao mihintsy
Ny lalana mahintsy
Sy fiainana arahako.
Sy fombam- pivavahako.
Tsy tantinao rahateo
Ny hira sy ny feo
Hiderako ilay Nahary .
Ny fonao no maharary
Vao mahita ahy hoe mivavaka!
Satria ve hoe miavaka
Ny zanak' Andriamanitra?
satria ve hoe mahantra
Raha ny fiainan' izao tontolo izao
No tsy maintsy ivoahanao?
Angamba aho tianao ihany
Raha nihinana kisoa !
Dia satrinao hatrany
Raha ho maloto koa
Ny fiainako rehetra .
mampalahelo , mampitsetra.
Ny lalana nialako
Tsy himpodiako intsony .
Efa velona ato an- drako
Ilay Fitiavana Ambony.
Aza sasatra , aza reraka
efa latsaka tanteraka
Ato anatin' ito foko
Ny fitiavana ny Tompo.
Aoka izay ! Aza maneno
Angamaba aho tsy hahafeno
Ny fepetra apetrakao!
Avela ho ohatra izao.
MIARANTSOA ANICET
Sabata 15 -01-05
--------
Lien:
Fans:
Arimalala - Miarantsoa
Commentaires
yonikafopl
(
18/01/2005 15:42)
Tsara sy mahafinaritra, mijoroa hatrany @ finoana anananao ary aza manaiky ho resin'ny fakam-panahin'izao tontolo izao.Mampahery anao.
Miarantsoa
(
18/01/2005 15:59)
Miasaotrra an' i Yoni
Miarantsoa
Miarantsoa
SOBIKA
(
08/02/2005 15:22)
mazotoa eh ! midera ny herimponao hitia hatrany Ilay nahary dia tano mafy ilay satroboninahitrao tsy hisy haka!!!
fikiro tsy hianjera ilay fiandrianana efa azonao!
So
fikiro tsy hianjera ilay fiandrianana efa azonao!
So
pissoa
(
15/03/2005 20:23)
Mba azo azavaina ve ity partie kely ity (raha ianao ihany no mpanoratra):
'Angamba aho tianao ihany
Raha nihinana kisoa !
Dia satrinao hatrany
Raha ho maloto koa
Ny fiainako rehetra .'
Raha ny fandraisako azy mantsy dia manohina ilay izy. Toa miapanga ny hafa izany ilay tononkalo. Enga anie ho diso aho.
(Azonao ato ny mamalyahy ato amin'ny namana fa tsy eto amin'ny takelaka tononkalo raha toa ...)
'Angamba aho tianao ihany
Raha nihinana kisoa !
Dia satrinao hatrany
Raha ho maloto koa
Ny fiainako rehetra .'
Raha ny fandraisako azy mantsy dia manohina ilay izy. Toa miapanga ny hafa izany ilay tononkalo. Enga anie ho diso aho.
(Azonao ato ny mamalyahy ato amin'ny namana fa tsy eto amin'ny takelaka tononkalo raha toa ...)
jentilisa
(
25/04/2005 15:36)
Fa maninona tokoa ilay mihinana kisoa? IO indray no tsy nitovizako hevitra taminao satria toa manjary maneho izany hoe antendrony loatra ianao. Toa tsapako ny tao anatin'ilay andefasanao ny vetso mangina satria fomba fijery tsy mitovy no anananareo. Izy mety tsy hitady izay mpamono vady sy ny karazany saingy sao adinonao izy rehefa iny fa iray tokantrano ianareo.
Satria mety ho ilay tena tsy ekenao no laoka tiany. Izaho aloha tia henakisoa e! Tsy norarana ho anay jentilisa manko ireny araka ny asan'ny apostoly 15 raha tsy diso aho. Saiky tena tsara ilay tononkalo e!
Satria mety ho ilay tena tsy ekenao no laoka tiany. Izaho aloha tia henakisoa e! Tsy norarana ho anay jentilisa manko ireny araka ny asan'ny apostoly 15 raha tsy diso aho. Saiky tena tsara ilay tononkalo e!
