TSY NAHY (Noëlson L. ANDRIANIAINA)

Ny masonao mibanjina ahy
No ahafantarako fa tia ihany
Ny fihetsikao indraindray
No nahataitra ahy tamin'izay
.
Ny endrika amam_bika
No nampitambatra ny fontsika
Ny fijerinao tena mahafinaritra
No nandinihako sy nojereko maharitra
.
Ilay fitiavana izay natolotra
Vao maika nitombo hoatr'izany
Izay efa tsara fototra
Tsy misy afa_tsy ianao ihany
.
Ny fihaonako taminao
No nampibaradaka ahy
Tsy teniteny ny hoe tianao
Fa tena misy fa tsy nahy
--------