Tahirin'Tononkalo (Nosy Malala)

Nantsain'i jantina
(Nalaina tao amin'ny vetso.serasera.org)
Tahirin'Tononkalo,

Raha namadibadika,
Nitsidika, ireo tahiry,
Tany ambadikin'ny lavitra,
Nandalo kely dia nivily.

Hay ve k'efa notoriana,
'reo hevi-maro izay lazaiko,
Fotoana maro aty aorina,
Mbola indro andrandraiko !

Eny nisy lohateny,
Tsisy valaka, nitovy.
Ny tao ampo no niteny.
Fanahy niainga รด tsarovy.

Any aorina any koa,
Hisy mpanoratra hafa indray,
Mbola hitohy hampietsipo,
Avy amin'ny hevitra iray.

Ireo teny izay nafafy,
Velona miriaria.
Ary tsy mataho-maty,
Anjara ho an'ireo izay tia.

Inona ary moa izany ,
Ireo tahirin-tononkalo ?
Lovasoa tsy mety lany,
Tsidio ihany raha mandalo.

Nosy Malala
Martsa 2023
--------
Rohy:
370 0
Hevitra mandeha
TononkaloNM ( 29/03/2023 19:46)
Misaotra betsaka an'i Njatiana. Mahafinaritra foana ny tononkalo misy miantsa .
Mahay miantsa be koa enao
Mankasitra indrindra tompoko.
Hametraka hevitra
Midira aloha
© Eugene Heriniaina - serasera.org 1999 - 2024 - page load 0.0119