Tony sy Mora tezitra (Nosy Malala)

Mora tezitra :
Tsy azoko mihitsy no mahatony an’i Tony,
Efa hita fa mpitondra mpanao kolikoly.
Mahit’ahy ireo androany, za tsy manaiky,
Mbay tany ry Tony a, aza manakaikikaiky.

Tony :
Mora tezitra koa dia miakatrakatra foana,
Ataovy moa fa ho antitra alohan’ny taona.
́ngaha hoe mankasitraka raha mangina,
Indraindray mandinika ampitoniana.

Mora tezitra :
Ssssh mandreraka ahy na ny mijery anao,
Ny ahy izay tiako , mila vita, izao dia izao.
Rehefa tsy hanaraka izay baiko nomeko,
Dia alaiko baraka tsy ananako sento.

Tony :
Hafatra kely ity, alohan’ izaho hisitaka,
Io hatezerana io, matetika mamitaka,
Tsy vahaolana mihitsy ny raha matahora,
Tony mandinika aloha, fa ndrao bala rora.

Nosy Malala
Oktobra 2025
--------