Ho aiza moa? (Ny Alimbetso Soa)

Ho aiza moa no ho avin'ireto ankizy marobe
Misaringo-borodamba mameno arabe
Tsy fanta-dray, tsy fanta-dreny
Avy aiza no fiavin'izy ireny?

Vatana maloto, kibo lonaky ny hanoanana
Sasatra mifako miady amin'ny tanana
Ny sisa efa lo eny rehetra eny
Saingy indrisy tsisy mpiteny

Iny lay kamboty, velondray manirery
Reraky ny fiainana, ory mpijery
Mitakoko, manantena ireo mpihantra
Mitalaho mafy ery hoe " mahantra"
Kanjo, adalana no valinteny azo
Daka mandrivorivo raha miazoazo
Hany sisa, mibaby tanana mody
Honina aiza anefa?
Lay ankany tranompody
zary efa nianjera
Ka eny rehetra eny
No hany tavela ho fiery

Nas
--------