Hitsiny? (Ny Ami)

Ny hitsiny? Anjara tandrify ho an'ny tsirairay
Lalana voasoritra taloha sy rahatrizay,
Mametraka ny hafa eo amin'ny toerana misy azy,
Manoro ny olom-belona tsy hivarina any an-kady
Manoritra ny fiainana sy manatsarana izany,
Mety hahafaly mety hampitomany.

Tsy misaraka amim-bintana,
Itapisahan'ny anjara,
Mifamingotra amin'ny kintana
mba hiposahan'ny any am-para
Sarotra tadiavina hoan'ny Sarababem-bahoaka
Matetika mivilana ka mety hampitroatra
tsy azo ampitoviana fa samy hafa loko
Miteraka adim-poko

Ny Ami
--------