Ho an'ny Hafa indray (ny eja)

Impiry aho no naniry
Olo-tiana tena matotra
Hitantana ahy mba tsy hivily
Raha tojo ny ady sarotra ?

Nefa kosa ho aho ry Ray
Miangavy aho mba itodiho
Ireo nisara-tiana indray
Mba tsiahivinao anio !

Impiry aho no nitia
Matetika toa mangaina
Dia miandrandra mafy ery
Olon-kendry antenaina

Nefa kosa tsy maninona
Ireo nilaozana jerena
Am-polo taona ngarangidina
Miandry mafy ny ho vonjena

Fa aleo aho mba hiaritra
Raha izay no sitrakao
Anio aho tsy mba hiady varotra
Fa hankato izay lahatrao

Ny Eja (Juin 2006 )
--------