Fivoarantsika (Ny Hafatra RANDRIANTIANA)

Fivoarantsika

Làlana andeha ho aiza moa izato izorana?
Toa làlana feno mistery tsy voafafa,
Manavizana ny aina lavitra fatorana,
Mahaverivery saina, toa misaritaka.

Misy ny milaza hoe: fandrosoana,
Nefa mandroso mankaiza re?
Ny hafa mitory izany ho fanatontoloana,
Fa toa andron’ny seza, tsy andron’ny fandeferana.

Tsy hay hoe inona marina no tena izy,
Fa ny zava-misy no tena mampivarahontsana,
Ny kolontsaina, toy ny ravina ritra tsy voajery,
Ny fomban-tany ankehitriny, efa hadino tanteraka.

Ny tanora zary manao zavatra mamoafady,
Ny fianarana, toa lasan-ko azy tsy mahataitra,
Fiainana hafa, fanarahana rivotra tsy voafehy,
Mampiaraka kely, dia mamoha ny fony tsy mihafina.

Ho entinao ho aiza moa ry fiainana,
Izato zana-gasy mianatra mamindra?
Zary toreo lava, fitakiana ny marina,
No mameno lisitra, tsy mety misinda.

Ny Hafatra RANDRIANTIANA, 05 Jiona 2024
--------