Fitia mangidy (Ny Kanto)

Niezaka nandefitra aho,
Mba ho tianao
Nanantena hoe hiova
Ilay toetranao
…
Taona maro aty aoriana
Nandao ahy ianao
Tsy nahasakana an’izany
Ilay fitia nianjonanao
…
Fa tsy takatry ny saiko
Ny adalànao
Ny hasarotam-piaro
No nanaronanao
Ireo fitaka efa tsara paika
Izay nambabo koa ny saiko
…
Dia azonao ny fandresena
Sy ireo kinasanao
Izaho voadona mafy
Vaky fo sy lao
…
Ny fotoana tena mamy
Fohy ireny niarahana
Fa voamangidy sesilany
Ela izay no nandramako
…
Fa tsy tiako ho fantatrao
Ny jaly iainako izao
Na ho ela na ho haingana
Dia mbola hogohinao
Izao tangenako izao


Ny Kanto. Ho an’i Rianala. Mahereza, mitraka, mahatanjaha! Ny namanao Ny Kanto.Fontenay sous bois 14 jona 2004. 8 ora 19 hariva.
--------