ilay masoandroko (oracle)

Ilay masoandroko baliaka
kanto sy sariaka
tsy nahaleo ny rahona mitatao
ka orana no nitraho
dia ora-mijojo
mamefy anay tsu hifanojo
nanakotsa ny aty foko
tonga nitoloko
nefa nosanatriaviko ny hikoro
izao no finoako nampijoro
aorian' ny ora-mikija
no misy masoandro baliaka indrindra
kinanjo aho gina
nahatsinjo ty lanitra sina
tsy teo intsony ilay nantenaiko
fa aiza ianao ry aiko?
orana niserana
namela takaitra tsy hay noferana
tsy misy tsy narodany izay nolalovany
nanamparany ny fahalovany
izaho ty ketraka mimalo
tapitra iangaviko ireo voro-mandalo
hikalo aminy ny vetso-poko tsontsan' ny fitiavana
maniry handoa-danitra hampitsiry ilay havana
--------