Ilay (Oully)

Ilay fahanginantsika hafahafa
Tamin'io fotoana io
No nahatsapako fa te hitafa
Ilay fitiavantsika vao madio

Ilay masotsika nifanojo
Toa sahy nifampijery
No nanapaka ilay rojo
Namatotra fitiavana niery

Ilay tanantsika nifandray
Miaro hovitra madinika
No vao maika nampiray
Ilay fitiavana voadinika

Ilay lohatsika nifanakaiky
Nampifanatona ilay molotra
No nahatonga ahy hanaiky
Sy avy hatrany dia nanolotra

Ilay teninao nalefaka
Nanonona fitiavana
No ninoako avy hatrany
Fa avy any anaty any.

An'i O....r
(Heritaona lasa)
--------