Ampidiro aloha ny tenimiafina
Anjarako (Randja)
Pas encore lu
(Nalaina tao amin'ny vetso.serasera.org)
Ianao no hany tokana anjara eto an-tany handravaka ny tantarako, hanome fitia tsy lany
ianao no hany tokiko sy fara-fanantenana
hitondra hafaliana, mampisy hazavana
Anjarako ianao izay no tsinjoko etoana
raha ny fitiavako anao tsy ho lefy eny foana
toa mahazo vahana ao am-poko ao tsy miato
hentiko am-bavaka amin'ilay Andriamanitra avo
Anjarako ianao izay no ao an-tsaina, handrandraina
ianao no mpanome fitia sy hery ary aina
hamelona ihany koa ity foko torotoro
hampatanjaka ahy, hanolokolo sy hampijoro
Anjarako ianao dia matoky fa aza manahy
efa feno anao hatramin'ny fo sy ny fanahy
tsy hitady olon-kafa ankoatra anao intsony
efa anao aho dia mionona, eny mitony
--------
Lien:
