Ho avy (Randja)

Mbola ho avy ny maraina soa
hitondra hery sy hazavana
hamalifaly anao tokoa
hampiseho sy hampisy fahagagana

Ho avy ny andro andrandraina
hanaovantsika ny voady sy ny dina
fa hoe hiara-dia sy hiara-miaina
izaho sy ianao, isika izao ry tiana

Ho avy ny soa, ho tonga ny fanambinana
amin'izay atao sy ny kinasanao
ho tonga anie ny fitahiana
amin'izao ora iainantsika izao

Ho avy ny andron'ny firavoravoana
hiara-paly sy hiara-kilalao
ao anatin'izany lanonana
izaho sy ianao, isika izao
--------