Izy ilay Dada (Pissoa)
(Nalaina tao amin'ny vetso.serasera.org)
Izy ilay Dada nanao an-tsangoryFony ireo tongotro tsy nahay namindra
Izy ilay Dada tsy mba azon-tory
Nihevitra izay hahasoa ahy indrindra.
Izy ilay Dada tsy mba mihalangalana
Mananatra hatrany sy mitondra am-bavaka
Izy ilay Dada, mbola manoro lalana
Na efa lehibe aza izao ity zanaka.
Izy ilay Dadako, mamiko indrindra !
Tena masiaka ; nefa tsy honohono
Fa ny fiainako anio no tsara firindra,
Dia izy sy i Neny no nikolokolo.
20 Jiona 2021
--------
Lien:
Catégorie :
Fianakaviana - Fitiavana
Fans:
hery
