Lafatra (Randja)
Pas encore lu
(Nalaina tao amin'ny vetso.serasera.org)
Tsy haiko ny hilaza ny hafatrana koa hoe be safary hanatsara
fa ny eo anilanao no tonga lafatra
tsara kolokolo sy vita karakara
Tsy dia be filaza aho, fandrao
hamorona ny tsy misy, mety hanahirana
aoka ny maso mijery no hitsara anao
ianao no lafatra tsy azo hifandirana
Tsy vao omaly aho no nandinika ny zava-misy
efa ela aho no namadibadika ny zava-miseho
ianao no tazako, ianao no mahitsy
tsara bika, soa toetra tsy mankaleo
Tsy atao lava angamba ny korana
mbola maro no tiako holazaina
vao nahita anao aho dia tamana
ny eo anilanao foana no masaka ao an-tsaina
--------
Lien:
