Hitaky fahafahana (Herizo Ravonjison Andrianitsiahy)

Raha ny kely no ankelezina,
Ny efa be no atavezina!
Dia hisy sandry hahinjiny sy hakariny,
Hanafoana ny tsy rariny!
_______________________
Raha ny efa tomady no henoina,
Sady mbola hotsaboina ka ny marary hovonoina!
Dia hisy korotana mafàna,
Hitaky fahafahana ho an`ny tanàna!
_______________________
Raha ny manana no ampiana,
Fa ny ory dia ariana!
Dia tsy hisy fitoniana ho an'ny tany,
Raha tsy hita izany hitsiny handresy ny tomany!
______________________
Raha ny potiky ny mpanana hosoloina,
Ka ny fananan'ny mahantra hobodoina!
Dia hitsangana ny maty hiaro ny fananany,
Hitaky fahafahana ho an'ny taranany!
--------