Ny afo (Herizo Ravonjison Andrianitsiahy)

Menamena hoy aho ny afo,
Mena misy mavomavo.
Kanto erÿ ny endriny raha tazanina,
Fa saingy tsy azontsika raisin-tanana!
.
Menamena hoy aho ny afo,
Menamena nefa kanto,
Mahasoa izay mila azy,
Nefa koa mahafaty izay mba te ho faty!
.
Menamena toy izany ny fitiavana,
Misy mavomavo koa raha banjinina.
Miredareda rehefa maina ny andro,
Fa maty kosa rehefa voatondra-drano!
.
Mila kopahana isan'ora,
Raha tiana haharitraritra.
Ilaina fahazarana,
Toy izany mantsy ny fitiavana,
Ka mila omena rivotra,
Raha tiana andeha lavitra.
.
Nosoratan'i Herizo RAVONJISON ANDRIANITSIAHY
--------