Tsipolotra (Herizo Ravonjison Andrianitsiahy)
Pas encore lu
(Nalaina tao amin'ny vetso.serasera.org)
Fantatrao ve ny tsipolotra,Feno azy eny rehetra eny!
Nefa tsy misy mivarotra,
Masom-boly akory hambolena azy ireny!
*
Tsy misy ilaivana azy mihitsy,
Eny an-jaridaina.
Ka tsy avela haniry,
Sy mba hahita fiainana!
*
Iza no mba tia tsipolotra,
Toa tsy misy izany!
Fa fatram-pankahala azy daholo ny rehetra,
Tsy dia haiko loatra izay antony.
*
Kanefa tiako ny tsipolotra,
Ka dia alaiko ho namana!
Noho izy tsy manavakavaka,
Sy tsy mifidy hipetahana!
*
Tiako ny tsipolotra,
Satria toa azy ny eritreritra.
Tsy afaka manohitra,
Fa manara-poana raha vao mahita tiana!
*
Nosoratan'i Herizo RAVONJISON ANDRIANITSIAHY
--------
Lien:
